Presidenti Ademi përgëzon Dritën, pas barazimit në Belgjikë

Presidenti i Federatës së Futbollit të Kosovës, Agim Ademi e ka përcjellur me vëmendje paraqitjen e skuadrës gjilanas, Drita ndaj Royal Antwerp në fushën e kësaj të fundit.

Belgët u panë favorit absolut, por djelmoshat e Ardian Nuhiut i hynë takimit të koncentruar maskimalisht duke dal të pamposhtur, 0:0. Takimi i dytë zhvillohet në javen e ardhshme në Prishtinë.

Ademi me anë të një postimi në porfilin e tij në Facebook ka përgëzuar Dritën.

Një tjetër paraqitje mbresëlënëse e FC Drita në Evropë 👏⚽️🇽🇰

Përgëzoj futbolllistët dhe stafin e trajnerëve për angazhim e lojë të disiplinuar taktikisht në ndeshjen e parë kundër skuadrës belge, Royal Antwerp në Ligën e Konferencës.

Prezantimi i tillë i denjë dëshmon rritjen e futbollit kosovar dhe është përvojë e mirë për suksese në të ardhmen.

Barazimi (0:0) na jep shpresa se në ndeshjen e kthimit në stadiumin “Fadil Vokrri”, FC Drita, e ndihmuar edhe nga tifozët ‘Intelektualët’, por edhe nga tërë dashamirët e futbollit të Kosovës, do të arrijë të shkaktojë befasi dhe ta sigurojë kualifikimin tutje.

Suksese!

#BashkëPërFutbollin